Upprennandi háskólaskvísa

sumarið á enda

Mon, 11 Aug 2008 12:13:03 GMT

Nú er liðinn dágóður tími frá því að ég bloggaði síðast. Ég ætla ekki að afsaka þetta þannig að það hafi verið mikið að gera heldur bara segja hreint og beint út...ég nennti ekki að blogga. Það hefur svo sem ekki verið neitt það fréttnæmt gerst síðan síðast, ég er ennþá á leið í lögfræðina og hugsa með mér "hvað í ósköpunum var ég að hugsa" :| Ég hef smá hugmynd útí hvað ég er að fara en er samt orðin frekar stressuð núna... kannski það sé bara sumarfríinu að kenna að þetta óöryggi blossaði upp.

Veit ekki hvort þetta sé fréttnæmt en ég og Hlynur slitum samvistum/fjarvistum fyrir fullt og allt... það var bara komin tími á það og nú blessast okkur báðum vel. Ég held að hann sé komin með kærustu núna og mér finnst það bara frábært, vona að hann sé hamingjusamur og að honum líði vel. Ég hef verið að dúlla mér svona smá...mikið reyndar en ég hef ekki hugmynd um hvert það liggur, það er svipuð aðstaða og með Hlyn, aðilinn býr í bænum og er ekkert að fara að flytja þaðan. En vitiði hvað, skólinn er að byrja aftur og þá kemur HELLING af nýju fólki/strákum/mönnum í skólann og það ætti nú ekki að vera slæmt. Það er oftast gaman að kynnast nýju fólki.

Ég var að vinna uppá Bifröst í sumar á leikskólanum þar, eða reyndar bara í maí og júní sem var alveg ágætt, þó svo að ég þakkaði guði fyrir það eftir hvern einasta vinnudag að ég ætti bara eitt barn, eða bara það að ég ætti góðu yndislegu Emilý. Það er ótrúlegt hvað krakkar í dag láta út úr sér og hvað þeir eru skapstyggir. Agaleysi kallast það víst. Í júlí skellti ég mér í ferðalag með Elínu vinkonu og auðvita stelpunum okkar. Við fengum lánaðan bílinn hans Gaua (sem er bróðir hennar Elínar) og við nýttum þann bíl alveg til hins ýtrasta, Volvo cross country, það var nú meira ævintýrið. Við keyrðum langar vegalengdir, enduðum á því að keyra hringinn og rúmlega það, vorum rændar, hittum fólk, fórum á útihátíð og margt margt meira. Þetta var æðislegt sumar. Ég og Milla notuðum tíma okkar vel og má segja að ég hafi ekki eytt svona miklum tíma með barninu mínu í allan vetur. Nú þegar skólinn byrjar þá verður meira af mæðgna dögum, vera duglegar að fara í sund og labbitúra, koma oftar í bæinn að hitta vini, nú já við getum skellt okkur norður núna anytime we want þar sem hún Hanna Jóna frænka/systir er flutt á krókinn.

Við eyddum líka miklum tíma fyrir norðan heima hjá mömmu hennar Elínar í fljótunum. Það var rosalega fínt. Fyrr um sumarið kenndi Gaui mér á fjórhjólið ( ef svo má segja :)) Talandi um það þá er hann búin að sýna mér tökin á fjórhjóli og línuskautum (ár og aldir frá því ég fór á línuskauta) ég vona virkilega að ég hafi ekki litið út eins og belja á svelli eða fljúgandi hæna ;) Það var ekkert smá gaman að fara á skautana. Nú þyrfti ég að nýta tímann áður en skólinn byrjar í að fara á skauta og svo bara kaupa mér skauta á næsta ári. Mig langar reyndar doldið að læra að keyra mótorhjól og ég bíð eftir kennslu á það.

Þýskaland kallar á mig núna næsta laugardarg, ég er að fara til Friðdóru og verð hjá henni í viku. Ég er búinn að kontakta alla gömlu vinina og er að fara að hitta þá en þó er aðalatriðið það að ég fæ að hitta Patrick. Nú byrjar nostalgían, það er svo langt síðan ég hitti hann. Hvað er málið með Patrick? Fyrir þá sem þekkja ekki söguna þá er Patrick æskuástin mín. Árið 1998 flutti ég heim frá þýskalandi og vorum við Patrick þá saman. við erum búin að halda sambandi öll þessi ár með reglulegum pósti. Hann á kærustu í dag sem heitir Martina og ég fæ að hitta hana líka. Hún veit af aðstæðum og er held ég sátt, það náttla mun aldrei neitt gerast á milli okkar og ég bað hana að koma að hitta mig með honum og hún tók vel í það. En bara það að fá að hitta hann er mín besta nostalgía.

Ég held að ég sé búin að tjá mig nóg núna. skrifa næstu lífsreynslu eftir þýskalandsferðina og fyrir skólann.

unti we read again

Kiss kiss Hug Hug

Þurí

Brjálað að gera

Wed, 26 Mar 2008 09:56:25 GMT

Já það hefur svo sannanlega verið brjálað að gera undanfarin misseri hjá mér...
Skólinn á fullu skriði, ég reyndar var að koma úr páskafríi þar sem ég gerði ekki neitt!!!! Jú ég hitti Guðrúni vinkonu smá og Ingu vinkonu, lét spá í bolla fyrir mig og ekkert nýtt þar, þar sem að í hvert skipti sem ég læt spá í bolla fyrir mig þá kemur ekkert upp!!! Bollinn er ALLTAF tómur...ótrúlegt.

Miðvikudeginum fyrir skírdag þá kíkti ég í heimsókn til Siggu og Sæla...það var spilað og drukkið smá, bara róleg og fín stemmning.

En fimmtudaginn fyrir páskafrí þá skellti ég mér á ball á Hreddanum. Það var sko aldeilis drukkið og dansað og komið heim klukkan 06:30.. já, en það þarf ekki að ræða það neitt frekar :d En það var afskaplega gaman, við stelpurnar skemmtum okkur alltaf vel!!

Annars er bara allt gott að frétta, er bara að stunda námið á fullu og nýti frítíma með fjölskyldu...þegar það er frítími... það er búið að vera brjálað að gera, nokkrar svefnlausar nætur, eða réttara sagt, nokkrar svefnnætur og svo er bara mánuður eftir af skólanum. Svo er ég búin að taka stóra ákvörðun, ég ætla að skella mér í lögfræðina!! Það verður strembið en AFSKAPLEGA gaman.

Það verður djammað hér feitt þann 4. apríl þar sem Elín skvísí vinkona á afmæli.. kellan að verða 30!! Verður þá haldið uppá það á kaffihúsinu hér á bæ og akkúrat þegar hinar deildirnar eru búnar í prófum þannig það verður allsvaðalegt djamm!

Ég ætla að reyna að vera duglegari að blogga þannig að allur umheimurinn geti lesið sér til um það hvað ég er að gera á þeirri stund sem þeir lesa þetta afskaplega lélega blogg mitt! En þú veist alveg að þegar þú ert að lesa þetta þá er ég að hugsa til þín...Já, þín!!

Bið að heilsa kæru,

Kiss Kiss Hug Hug

Þurí Bifró stelpa

Lifandi...ég held

Wed, 16 Jan 2008 11:32:25 GMT

Já smá tími er liðin frá síðustu blogg færslu, en það er líka búið að vera mikið að gera og svo fékk ég líka létt ógeð á tölvunni í Jólafríinu!!

Allt er búið að ganga vel, gekk frábærlega í prófunum, fékk 8 í meðaleinkunn sem ég tel bara vera það besta sem hefur komið fyrir mig fyrir utan Emilý!!!:D Reyndar er margt búið að ske núna síðastliðin mánuð/síðastliðna mánuði!!!!

Ég eiginlega neita að skrifa það hér þannig ef þið viljið vita þá bara tala við mig, ekki það að allir vita það nú þegar...held ég!

Það snjóar og snjóar hér á Bifröst, það er ekki búið að hætta að snjóa núna í 4 daga!!! ALLT hvítt!

Emilý er bara sátt við allt hér, nema bara þreyta alltaf þar sem hún er að ná sér eftir jólin...Hún er að þroskast svo hratt, hún er ekki litla barnið mitt lengur, það mætti halda að hún væri orðin svona um það bil 14 ára unglingsgelgja, ekki það að það er fínt að ljúka því tímabili núna

Vinkona mín varð fyrir því að missa pabba sinn, fyrir hans tíma, og ég vil óska hennar mínu dýpstu samúðar, Jarðarförin var mjög indæl og frekar vel heppnuð ef svo má til orða taka. Falleg lög og góð minning einfaldlega einkenndu þennan dag!

Ég bið að heilsa ykkur öllum í bili,

ég ætla að fara að liifa:)

Kiss Kiss Hug Hug

ykkar

Þuríður Gunnarsdóttir

Rólegur dagur

Tue, 06 Nov 2007 10:15:21 GMT

Það er dimmt yfir í dag, ég sit á kaffihúsinu og drekk mitt kaffi og horfi á rigningun streyma niður gluggann, horfi á fólkið standa úti í rigningunni og fá sér eina sígó. Fólk hlaupandi inn og út úr skólanum að forðast rigningunna. Rólegt lag í útvarpinu og við sitjum hér 3 saman og erum að ræða viðskiptahætti Kína, við erum orðin það þroskuð að við sitjum hérog ræðum stjórnmál.

Stefnan er tekin á Grábrók á eftir það er líkamsræktin mín þessa dagana. Afskeplega hressandi að fara í göngu þegar námsstressið er að taka völdin. Núna styttist í prófin hjá mér, bara nokkrar vikur og mamma er búin að bjóðast til að taka Millu í bæinn fyrir mig þannig ég geti lært undir þessu blessuðu herlegheit.

Það er allt rosalega fínt að frétta hér af Bifröst, mikið að læra og mörg verkefni en það hjálpar til að eiga góða að hér á staðnum. Við erum öll svo samrýmd og náin enda öll eins og systkin hér.

Emilý dafnar vel og lætur eins og ófreskja:) Miklar breytingar hjá henni og miklar skapbreytingar einnig. Við vitum bara öll að hún er engill og elskum hana!!!

Bið fyrir kveðju í bæinn og hafið það öll gott.

Ykkar skólamær

Þuríður Gunnarsdóttir

Kiss Kiss Hug Hug

Afsakið lélega blogg skrifið mitt

Mon, 29 Oct 2007 19:48:45 GMT

Það er búið að vera svo mikið að gera hér á Bifröst, að það er ekki eðlilegt...eða jú það er það víst, en erfitt að fara í svona strangt læriaðhald eftir 6 ára pásu!!!!

Annars er allt ágætt að frétta...já ég segi ágætt,þó það sé allt fínt...en...það er alltaf eitthvað.

Vina tengsl hér eru góð, smá erfitt með suma vini þar sem maður er aldrei 100% viss hvar maður hefur fólkið. Blankheitin hafa verið að hrjá mig eitthvað núna síðustu vikurnar í mánuðinum en það lagast nú bara á næstu dögum...Mánaðarmót...:)

Ég spyr mig oft þeirrar spurningar...Hvað ef...hvernig á lífið að ganga fyrir sig á þessum dögum...oft átta ég mig ekki á því. Reyndar er nú allt í góðu í þeim skilningi, en það er alltaf eitthvað sem maður fer að hugsa út í. Munið þið eitthvað eftir fyrstu höfnun ykkar?? fyrsta skiptið sem þið voruð dissed og dismissed?? Er það ekki bara þannig að það líður hjá...alveg eins og þegar plástur er tekinn af...svúsh!!

Dilemma Dilemma! Ég segi ekki annað, annars er lífið ljúft...ég er svo ánægð með sjálfa mig fyrir að hafa tekið þessa ákvörðun að fara á Bifröst. Þurí á Bifröst, reyndar hugsa ég oft...WHAT THE HECKELS er ég að gera hér...þá man ég bara að allir eru í sömu sporum og ég hér...Við erum líka það náin að við hjálpumst að með allt ALLT...þetta er allt voða trúnó hér!!:)

Það eina sem ég vildi að aðrir myndu sýna mér meiri skilning á veru minni hér...Ástæðan fyrir því að ég fór hingað í þennan skóla var sú að ég vildi mennta mig...og flytja burt og hefja nýtt líf...Start from scratch...það er það eina sem mig vantar...brenna gamlar brýr að baki!!!! Ekki það að ég elska alla mína í towninu!!! Vantar bara space að fá að vera ég á nýjum stað...nýja ég!!

Nún er allt hvítt á Bif. Þessi rigning er loks hætt!!! En aftur á móti...er kuldinn tekinn við. Hann stingur mann í alla útlimi og bítur mann í sundur með sterka frostbitinu sínu:!: Ég og Elín vinkona skelltum okkur í labbitúr í dag( var næstum því búin að skrifa bíltúr) En já skelltum okkur í þessu blíðskapar veðri niður á Glanna Paradísarlaut...það var geðveikt...svo komum við heim uppfullar af hreinu lofti og Endorfíni, ætluðum að vera voða duglegar...en dráðumst úr leti!!! en við fórum þó í labbitúr!!!

Jæja ég...það er ekkert meira sem ég man eftir í ojiblikket...:)

Kiss Kiss Hug Hug

Yours truly

Þuríður Gunnarsdóttir

hvað er hægt að segja á svona ögurstundu

Sun, 23 Sep 2007 22:08:59 GMT

Það er komið að því að skólinn er BYRJAÐUR...brjálað að gera...Bókfærslan ætlaði að gera útum mig og núna er það stærðfræðin...já góðan daginn,þetta er EXCEL verkefni sem við eigum að vinna og ég Þuríður, sú algáfaðasta...NOT...er ekki að skilja þetta verkefni... Ég þakka guði fyrir að Siggi sé með mér í þessu verkefni...bara því hann er mesta yndi og svo allsvakalega klár!!!

Annars er allt ágætt að frétta af mér, er búin að vera að læra alla helgina fyrir stærðfræðina... og skemmti mér aðeins líka...sem ég reyndar sé eftir...Ekki alveg að ganga "upp" :)

Milla var hjá Hlyn um helgina þannig ég náði að nýta tímann minn vel, er samt að deyja úr stressi...gott lýsandi dæmi um það er að ég hef varla borðað í 3 vikur...bara einfaldlega gleymi því...ég drekk svona um það bil 20 kaffibolla á dag ( ég er kannski smá að ýkja:)) og borða engan mat...nema kannski á kvöldin þá fæ ég mér skyr eða eitthvað!!

Ætla að fara að taka mig á í þeim efnum...áður en við förum út í vannæringu og blæðandi magasár...og möguleikinn á því að verða bara hreinlega grá á litinn. Ég er ágætlga sátt hér uppfrá...búin að eignast góða vini og farin að geta treyst sumum...það er nú bara gott...Ekki það að ég á mína bestustu vini í bænum...heyriðu það Lúlú mín:)

Karlmennirnir hér eru nú ekki uppá marga fiska...ekki það að ég sé að leita...en maður ósjálfrátt lýtur í kringum sig:) Wir kommen alle zurecht miteinander und ich glaube alles wird nach einer kurzen zeit sehr gut sein:)

Það er annars ekki mikið að frétta akkúrat núna... ég skrifa seinna þegar ég er í meira stuði, þar sem stuðið mitt er að bíða eftir þvottavélinni:)

Kiss Kiss Hug Hug...

Þurí útá landi

Það eru erfiðir tímar...

Thu, 13 Sep 2007 13:05:27 GMT

og þeir sem kunna lagið og eru að humma restina af því...keep it 2 yourself...

Þetta eru ekki góðir dagar núna...veðrið er að fara með mig...ég verð alltaf svona á þessum tímum...ÞOLI það EKKI!!

Mamma mía here I go again...mæ mæ lord I´m gonna miss this:) Nei nei þetta er bara svona stundum...maður getur ekki alltaf verið eldhress. Mig vantar bara activity...og það núna...verkefnin sem við eum búin að fá eru djók...við erum alltaf búin á hádeigi...og til hálf fimm hef ég ekkert að gera, nema hangsa..jú ég get alltaf kíkt til Birnu og Tóta í kaffi...og Siggi er alltaf til staðar líka...þannig það ætti nú að reddast...

Það á að vera djamm í kveld...ég veit ekki hvort ég fari, ekki það að mig langi ekki, er bara ekki með pössun, gæti prófað að hringja í mor...en það er eitthvað svo halló...Hæ mamma nenniru að keyra í einn og hálfan tíma, koma uppí sveit og passa fyrir mig í nokkra tíma?? YO það er bara ekki alltaf hægt...kannski ég sitji bara hér heima og sötri smá öl...all by my lonesome (with my computer). LÓNER...já er hægt að vera meira depressive?? held ekki!

Skólinn er fínn og krakkarnir æðislegir...það vantar ekki uppá...It´s just this time of year...svo fara færslurnar mínar að verða meira depressive og ómögulegar:) NEI ég skal hressa mig við...fyrir þann sem er að lesa þetta bull.

Eníhú...Love this...ehemm

Kiss Kiss Hug Hug

Ykkar Þurí

It´s raining men...

Wed, 12 Sep 2007 09:02:22 GMT

eða þannig...það rignir allaveganna! Ótrúlegt með þetta veður, það er búið að rigna stanslaust í 250 daga liggur við. Jæja af mér að frétta er nú bara ekki neitt, er bara í skólanum að pissa og skíta á mig...Bókfærsla...já það er eitthvað sem ég er ekki að skilja. Ég þakka guði fyrir það hvað það eru margir sem eru til í að hjálpa manni. Þetta er æðislegur hópur sem ég er með í skólanum, við erum á víðum aldri en náum ótrúlega vel saman.

Ég sat heima í gær að læra...ekki mikið annað að gera, það er aldrei neitt í Sjónvarpinu hérna en samt er ég með 20 sjónvarpsstöðvar. ég er búin að lesa Bókfærsluna þó nokkuð, en það er bara gert svo ég geti reynt að skilja hana.

Ég er alltaf að bíða eftir að einhver komi í heimsókn og fái sér Kaffi með mér og sitji í þæginlega sófanum mínum...horfa á video...Milla sofnar klukkan átta:)

En jæja ég skal hætta að kvarta:) ætla að fara að hlusta á þennan fyrirlestur sem ég sit í!!

Kiss Kiss Hug Hug

Ykkar Þurí

alltí lagi þá

Mon, 10 Sep 2007 16:04:19 GMT

Já ég er búin að komast að því að ég er smá lóner. ég er ekki með neina vini inná síðunni hér...bara örfáa, og það kommentar aldrei neinn hjá mér, og það kíkir aldrei neinn í heimsókn...erum við að ræða það eitthvað frekar?

Dagur 1 búinn, var nú ekki langur þar sem kennarinn var að flýta sér svo mikið...var nebbla að fara til útlands og hafði bara hreinlega ekki tíma fyrir okkur:) Ég er alveg að fíla fólkið með mér í skólanum...ALLIR frábærir.

Milla er komin heim...mjög sátt...nema að vakna á morgnana. Ekki það að ég er ekki sátt við að vakna snemma á morgnanna, ég er þannig að ég vil sofa út alla daga:)

En bara að láta vita að ég á KAFFI og ég kann að hella uppá. Kíkið við...

Love life

Kiss Kiss Hug Hug

Bifró Þurí

My life now

Thu, 06 Sep 2007 17:05:33 GMT

Ok það má kalla mig hvað sem er, en ég fer alveg á taugum þegar fólk kallar mig Þurý... that´s just not right.

En allaveganna þá er bara rosa gott að frétta. Búið að vera mikið að gera í vikunni í skólanum. Þannig séð...ég held að Fruman hafi bara sprengt allt sómasamlegt eðli í dag:) Þannig er mál með vexti að það kom maður að kenna okkur á námsskjáin ( þar fara allar einkunnir inn og allt námsefni) og sýndi okkur spjallið þar:) MSN var niðri þannig að auðvita réðust allir á spjallið...:) Það var svo gaman hjá okkur að greyið kallin var orðin doldið móðgaður...úpsí...æ svona er þetta bara, við erum öll að kynnast og þá er þetta svona eins og maður sé komin í 1 bekk aftur:)

En já var ég búin að segja ykkur hvað ég á ótrúlega sæta,góða,yndislega móður...það var Nýnema hittingur uppá Hredda á þriðjudagskv. og mamma mín kom úr bænum til að passa fyrir mig bara þannig ég gæti fengið að taka smá þátt í félagslífinu hér. Það var rosalega gaman uppá Hredda, smá drukkið:) farið í einhverja Hallærislega leiki og bara BONDAÐ við alla:)

Þetta er allt annað en var hér fyrir viku. Komin með alltof marga á MSN listann hjá mér ( ekki það að ég sé að kvarta) og maður er aldrei einn, alltaf einhver til að tala við. Nú hljóma ég eins og ég hafi verið algjör lóner...en ég var það sko alls ekki, bara í síðustu viku:)

Núna er Milla sæta farin í sveitinna til ömmu og afa og verður þar svo ég geti tekið meiri þátt í samhristingnum með fólkinu...Í kvöld er Nýnemaball...uppá Hredda ( fyrir ykkur sem ekki vita þá er Hreddin Hreðavatnsskáli)( ég er algjörlega að læra á lingóið hér,náttla allt annað tungumál hér í sveitinni) það á að vera rosa gaman...ætla að skella mér í fyrir fyrir partý og svo í fyrir partýið:) Alveg brjálað að gera...ég,Anna KR, Elín Æði og Siggi Selfoss skelltum okkur í B-nes í dag og fórum í ríkið...og tókum þá ákvörðun ( reyndar ekki en ég er viss um að þau hafi verið að hugsa það sama og ég:)) að taka vel á því í kveld...

En já gott fólk eins og þið sjáið þá er bara Allt gott að frétta af mér núna. En bara svo þið vitið að þá er skólinn ekki byrjaður(kennsla og svonna) þannig að ég verð kannski ekki eins hress í næstu viku...:)

Love you all

Kiss Kiss Hug Hug

Ykkar Bifró Þurí

Komin uppeftir

Mon, 03 Sep 2007 09:08:23 GMT

Ok þá er helgin búin og ég er komin aftur uppá Bifröst, ein að vanda:)

Skólasetningin er í dag klukkan 11:00. Það ætti að vera fínt. Hlakka til ef eitthvað er, þá fer þetta strembna ferli loks að byrja. Þá fer ég að hafa eitthvað að gera aftur.

Kíkti í bæinn um helgina, fávitans umferð á leið í bæinn, fólk er fífl...það er alveg útrætt mál, sko veðrið á föstudaginn var þannig að það var úrhellisrigning og mjög hvasst sérstaklega undir Hafnarfjalli og án gríns mér fannst ég keyra alveg nógu hratt meðað við aðstæður, ég var á 90. Það er löglegur hraði. Kannski ekki nógu hratt fyrir alla aðra, en ég er aftur á móti með barn í bílnum og færðin var bara þannig að hún bauð ekki uppá meira nema ég hefði viljað lenda útí skurði. Æ ég bara þoli ekki umferðina stundum. Allaveganna þá kíkti ég í mat til mömmu, fór svo til Hlyns og við horfðum á eina mynd og fórum svo bara snemma að sofa. Á laugadeginum þá hitti ég mömmu bara þarna uppúr hádeigi og við kíktum í IKEA, rúmfatalagerinn, 66°norður og húsasmiðjunna. Það var bara fínt, Kíkti svo uppí mosó í kaffi og fór svo aftur til Hlyns þar sem hann var ekki einu sinni heima, heldur úti með strákunum og var með þeim um kvöldið...Þannig ég skellti mynd í tækið og horfði á Knocked up, ekkert spes en svo var ég farin að sofa um klukkan 23:00. Sunnudagurinn þá var ættarmót hjá afa fjölskyldu, það var svosem mjög fínt, um 130 manns mættu, og það voru ekki allir. Svo fór ég eftir það aftur uppeftir. og gerði ekki neitt um kvöldið.

Mjög spennandi þannig...NOT. Ég hitti ekki einu sinni stelpurnar þar sem þær annaðhvort nenntu ekki eða gátu ekki kíkt á mig.

Þannig ég er að pæla í að vera hér uppfrá núna næstu helgar. kynnist vonandi skemmtilegu fólki og geri það gott.

allaveganna þá er ég ég...og sátt við það

Kiss Kiss Hug Hug

Ykkar ehhh

Þurí

Dagur þrjú

Thu, 30 Aug 2007 13:11:12 GMT

Jæja þá er ég búin að vera hér í þrjá daga, þetta hljómar eins og það sé alslæmt en það er það alls ekki. Mér bara leiðist...það er ekki mikið að gera hér núna...

Ég er reyndar að fara að heimsækja eina á eftir, kallinn hennar er að fara að byrja á Frumunni eins og ég þannig þá hef ég einhver andlit sem ég þekki. Milla er á leikskólanum í dag til 14:00. Hún er bara sátt við það.

Og þá hefst ballið, ég fékk póst um það í gær að Edda Björgvins verður hér á mánudaginn með einhvern samhristing svo að allir kynnist, það er nú ekki slæmt. Skólinn hefst þannig séð ekki fyrr en á mánudaginn þann 10 septemper, en það er kynningavika í næstu viku. Þá verður námið kynnt alveg til hins ýtrasta og okkur kynntir hóparnir okkar. Þetta verður svaka stuð um leið og actionið er komið í gang. Milla verður á leikskólanum alveg allan daginn þannig þá ætti ég að hafa nægan tíma til að læra...eða leggja mig:)

Nei nei, ég ætla að standa mig í stykkinu og gera alla voða stolta af mér. Sérstaklega sjálfa mig!

Það er alveg æðislegt útsýnið hjá mér...ég horfi út um gluggan og sé gömlu brekkuna sem ég renndi mér í í gamla daga... og var ég búin að segja ykkur frá því að eins fóstran á leikskólanum hjá Emilý er sama fóstra og hugsaði um mig þegar ég var lítil:) Bara fyndið.

Núna er ég að standa í smá veseni með LÍN, þeir ætluðu ekki að veita mér lánið. En það er búið að reddast vonandi.Pabbi gamli hringdi og reddaði því.:)

En annars er allt gott að frétta nema að ég er einmanna en það hlýtur að fara að reddast.:)

Kiss Kiss Hug Hug

Ykkar Þurí

Bifröst

Wed, 29 Aug 2007 21:21:18 GMT

Jæja þá er ég komin uppeftir. Frekar einmannalegt en það venst víst. Ég er nú ekki búin að gera mikið af mér síðan ég kom, reyndar kom ég bara í gær en mér finnst alltaf eins og ég eigi að vera að gera e-d. Ég er búin að skoða skólann að mestu, búin að fara á kaffihúsið að fá mér kaffibolla, ég er búin að skanna gamlar myndir af mömmu og Jóa og ég er búin að fara með Millu í leikskólann. Já Leikskólinn er fínn, voða indælar fóstrurnar og allt starfsfólkið. Emilý er svona ágætlega sátt við hann en er alltaf að spyrja hvenar hún megi fara í hinn leikskólann sem er svona brúnn ( Hörðuvellir). Þetta er bara spurning um aðlögun.

Já mér leiðist doldið, það er ekki mikið af fólki hérna núna. Ég allaveganna sé ekki marga,ætli ég reyni ekki að skanna svæðið betur á morgun.

Það kom upp vesen með LÍN...svo sem ekki frásögufærandi... ætla að reyna að redda því á morgun. Það er allt búið að ganga svo vel...það hlaut að koma að því að eitthvað klikkaði... En það hlýtur að reddast.

Ég er sæl og glöð..ekki veik bara fín...kát og jollý.

Kiss Kiss Hug Hug

Ykkar Þuríður

jámms

Mon, 27 Aug 2007 11:29:09 GMT

ohh það er komið að því, skólinn er að fara að byrja:)

Á morgun fer ég uppeftir með Millu og mömmu og við förum í íbúðina... ég fæ alveg rosalega flotta íbúð, þetta er endaíbúð á 3ju hæð og það er baðkar í henni:) BAÐKAR!!! Ég hef ekki verið með baðkar í 250 ár. Þannig ég get ekki beðið núna.

Ég lenti í smá atviki á föstudaginn...ég fór í smáralindina og var að reyna að versla, en náttúrulega fann ég ekki neitt, frekar en vanalega, eða jú ég fann eina peysu sem er nota bene ÆÐISLEG, ekta skólapeysa. en já með þetta atvik... ég rölti út á bílastæði og í áttina að bílnum mínum...sting lyklinum í skráargatið og byrja að snúa...það er stundum þannig á bílnum mínum að ég get ekki snúið lyklinum, það stendur mjög oft á sér á þessari druslu. Allaveganna þá er þeg þarna að hamast á bílnum og ekkert gerist...ég ætla að fara þá farþegamegin og opna þaðan en þá...þá var mér það ljóst að þetta er ekki bílinn minn. HEHE þetta er allt annar bíll en ótrúlegt en satt þá er þetta bara alveg eins og bílinn minn...blár og meira að segja með sömu rispum og öllu...what are the odds.

Ég náttúrulega labba skömmustuleg í burt í áttina að bílnum mínum og það gengur allt upp, lít svo til hliðar og þá er eigandi bílsins( þessa sem er ekki minn:)) að koma og sest í bílinn sinn án þess að lenda í einhverju veseni:) En það skondna við þetta er að hún var ljóshærð með gleraugu...WHAT ARE THE ODDS?

en já annars er allt gott að frétta:)

Kiss Kiss Hug Hug

Ykkar Þurí

Það líður að tímamótum

Mon, 20 Aug 2007 14:07:12 GMT

Í dag er tíminn til að byrja að kvíða. Nei kannski ekki að kvíða en allavegann að fara að búa sig undir það að næstu 3-4 árin á ég ekki eftri að eiga neinn pening, bara safna mér skuldum og gera ekki neitt nema læra. Já það styttist í skólann.

Mamma er alveg að farast úr spenningi yfir þessu öllu saman. Ef hún fengji að ráða þá væri hún að koma með mér í skólann. Henni langar svo að koma með mér og hjálpa eða bara að fara að læra sjálf. spyr mig einmitt reglulega hvort mér mindi ekki finnast það æði ef við 3 mæðgurnar værum saman uppfrá:)

En annars er allt flott og gott að frétta af mér. Ég er bara að undirbúa mig undir skólann, er á Hraðlestrarnámskeiði sem er reyndar að klárast, það gengur bara vel, ég er allaveganna búin að 2falda lestrarhraða minn ef ekki 3falda! þannig það er bara flott.

Ég er búin að fá nýja tölvu núna, og er að nota hana hehe, það er æðislegt að eignast eitthvað. Alveg eins og þegar ég keypti ísskápinn minn og líka rúmið mitt, ég hef ekki keypt mér mikið, ég fékk svo mikið af gamla dótinu frá ömmu og afa eftir að þau féllu frá, algjörir antíkmunir og eitthvað sem ég mun aldrei láta frá mér. annars er allt annað sem ég á eitthvað sem ég hef keypt úr góða hirðinum, sem nota bene er besta og sniðugasta búð í heimi, ef það er eitthvað sem þig vantar, farðu þá þangað. Þegar maður labbar þangað inn þá er eins og þú sért komin heim, þar áttu bara heima og getur sest niður og fengið þér kaffibolla til að taka þér smá pásu frá innkaupum.

Annars er allt það besta að gerast hér hjá mér.

ég bið að heilsa í bili

Kiss Kiss Hug Hug

Þurí